Համաձայն Հողային օրենսգրքի 71-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ինմասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, հաշվի առնելով Մհեր Արտաշեսի Ղարիբյանի դիմումը (մուտք՝ 2022 թվականի նոյեմբերի 29-ի N 04-471) համայնքի ավագանին որոշում է

1. Համաձայնություն տալ Մհեր Արտաշեսի Ղարիբյանին սեփականության իրավունքով պատկանող (հիմք` 2020 թվականի հունիսի 19-ի N 19062020-07-0135 վկայական) 1.3 հա մակերեսով  գյուղատնտեսական  այլ հողամասի փոխանակմանը Գառնի համայնքի սեփականություն հանդիսացող (հիմք՝ 2022 թվականի հոկտեմբերի 14-ի N 14102022-07-0157 վկայական) 1.3 հա  մակերեսով  գյուղատնտեսական  այլ  հողամասի հետ:
2. Սահմանել, որ  սույն  որոշումից  ծագող  գույքային  իրավունքների  նոտարական  ձևակերպման  և պետական  գրանցման  հետ կապված վճարների  ու տուրքերի  վճարումը  կատարվում  է Մհեր  Արտաշեսի  Ղարիբյանի կողմից:
3. Սույն որոշումն ուժի մեջ է մտնում Մհեր Արտաշեսի Ղարիբյանին որոշման ընդունման մասին իրազեկելուօրվան հաջորդող օրվանից: