Գառնիի համայնքապետարանում համայնքում սուբվենցիաների ծրագրերի` այդ թվում, Գառնի համայնքում Ապաստարանների նորոգում, Քլորակայանի կառուցում և ջրագծերի անցկացման (Գառնի, Գեղարդ, Հացավան, Գեղադիր գյուղերում) հանրային բաց լսումները տեղի ունեցան մարտի 18 -ին ժամը 16 00-ին , <<Գառնիի Գեղարվեստի դպրոց>> ՀՈԱԿ-ի նիստերի դահլիճում, Ստ. Շահումյան 11, 2-րդ հարկ:
Նախապես հայտարարված հրավերի հիմքով սուբվենցիաների ծրագրերի քննարկմանը մասնակցել են համայնքապետարանի աշխատակազմը, ՀՈԱԿ-ների, համայնքում գործող ՊՈԱԿ-ների և այլ կազմակերպությունների աշխատակիցներ, համայնքի մենատնտես գյուղացիներ, ավագանու անդամներ և շահագրգիռ այլ անձիք:
Բաց լսումների բացման խոսքով հանդես եկավ աշխատակազմի քարտուղար` Լիպարիտ Թադևոսյանը, որը մասնավորապես նշեց , որ 2022 թվականի մարտի 18 -ին կայացող բաց լսումների համար հիմք է հանդիսացել համայնքի ղեկավարի 2022 թվականի մարտի 04 –ի № 130 որոշումը, ըստ որի համայնքապետարանի տեղեկատվական կառավարման համակարգում տրվել է հրավերի հայտարարություն: Հրավերի հայտարարությունը փակցվել է նաև համայնքի ղեկավարի նստավայրում` բոլորի համար մատչելի ու տեսանելի տեղում և մի շարք մարդաշատ վայրերում ( հայտարարությունների համար սահմանված վայրերում), նշված հայտարարությամբ համայնքի բնակչությունը (և ոչ միայն համայնքի բնակչությունը) իրազեկված են եղել սուբվենցիաների ծրագրերի` այդ թվում Գառնի համայնքում Ապաստարանների նորոգում, Քլորակայանի կառուցում և ջրագծերի անցկացման (Գառնի, Գեղարդ, Հացավան, Գեղադիր գյուղերում) կայանալիք բաց լսումների( քննարկումների ) մասին:
Սուբվենցիոն ծրագրերի մասին տեղակատվությունը մանրամասնորեն ներկայացրեց Վարդան Մարտիրոսյանը: Նա ներկայացրեց այդ ծրագրերի կարևորությունը համայնքի զարգացման համար, նաև նշեց բոլոր բնակավայրերի համաչափ զարգացման կարևորությունը : Բոլոր սուբվենցիոն ծրագրերի նախատեսված ծախսերի մասով ելույթ ունեցավ Գառնիի համայնքապետարանի գլխավոր մասնագետ` Արփենիկ Բաղդասարյանը:
Ելույթ ունեցավ « Գառնիի կոմունալ տնտեսություն » ՀՈԱԿ-ի տնօրեն Ներսես Վարդանյանը` նա նշեց, որ շատ կարևոր է համայնքի բոլոր բնակավայրերում ջրագծի բարելավման հարցը, նա նաև կարևորեց քլորակայանի կառուցումը, որը հնարավորություն կտա բնակիչներին օգտագործել սանիտարահիգիենիկ նորմերին համապատասխանող ջուր:
Լիպարիտ Թադևոսյանը ներկացարեց ապաաստարանի վերանորոգման հարցը: Նա կարևորեց բնակիչների անվտանգությունը և պատսպարման խնդիրը: Բոլոր ծրագրերի շուրջ ընթացան բուռն քննարկումներ , ելույթ ունեցան համայնքի տարբեր բնակավայրերից բնակիչներ՝ նրանք նույնպես կարևորեցին այդ ծրագրերիր իրականացումը: Բոլոր ծրագրերը արժանացան հավանության, այդ ծրագրերի շուրջ դժգոհություններ չկային:
Բաց լսումները ավարտվեցին ժամը 17 30—ին :
Արձանագրությունը վարեց սուբվենցիաների ծրագրերի` այդ թվում Գառնի համայնքում Ապաստարանների նորոգում,Քլորակայանի կառուցում և ջրագծերի անցկացման (Գառնի, Գեղարդ, Հացավան, Գեղադիր գյուղերում) վերաբերյալ բաց լսումների քարտուղար՝ Սիրանուշ Պռազյանը: