Համաձայն Գառնի համայնքի ավագանու 2024 թվականի օգոստոսի 30-ի <<Հաստատել Հայաստանի Հանրապետության քաղաքաշինության կոմիտեի կողմից ներկայացված Հայաստանի Հանրապետության Կոտայքի մարզի Գառնի համայնքը (Գառնի, Գեղադիր, Գեղարդ, Գողթ, Հացավան և Ողջաբերդ բնակավայրեր) ներառող միկրոռեգիոնալ մակարդակի Կոտայք-9 համակցված տարածական պլանավորման նախագիծը՝ գլխավոր հատակագծի և գոտևորման մասերով>> թիվ 122-Ն որոշման, Հայաստանի Հանրապետության Կառավարության 2006 թվականի մայիսի 18-ի N 912-Ն որոշման 1-ին կետով հաստատված կարգի 10.11.22 կետերի, հիմք ընդունելով թիվ 23092020-07-0098 վկայականը և հաշվի առնելով այն հանգամանքը, որ սեփականության իրավունքով Քնարիկ Վաչագանի Հակոբյանին պատկանող, Կոտայքի մարզի Գառնի համայնքի Գողթ գյուղում գտնվող, 07-026-0154-0034 կադաստրային ծածկագրով հողամասում ինքնակամ կառույցների պահպանումը չի խախտում այլ անձանց իրավունքները և օրենքով պահպանվող շահերը, շինությունները կառուցված չեն Հայաստանի Հանրապետության Հողային օրենսգրքի 60 հոդվածով սահմանված հողամասերում, ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումների հիման վրա և չեն առաջացնում հարկադիր սերվիտուտ պահանջելու իրավունք ՝ որոշում եմ.

1.Քնարիկ Վաչագանի Հակոբյանին սեփականության իրավունքով պատկանող, Գառնի համայնքի Գողթ գյուղում գտնվող,  07-026-0154-0034 կադաստրային ծածկագրով 0.10465հա մակերեսով գյուղատնտեսական վարելահողի նպատակային նշանակությունը փոխել բնակավայրերի իսկ գործառնական նշանակությունը բնակելի կառուցապատման նշանակության:

2.Սահմանել, որ սեփականատերը Գառնի համայնքի 900105211172 հաշվեհամարին պետք է վճարի հողամասի կադաստրային արժեքների տարբերություն գումարը՝ 1 924 210 /մեկ միլիոն իննհարյուր քսանչորս հազար երկու հարյուր տասը/ ՀՀ դրամ:

3.Վերոնշյալ հողամասում առկա 270.90քմ մակերեսով ինքնակամ կառուցված շինությունները համարել օրինական՝ Գառնիի համայնքապետարանի 900105211214 հաշվեհամարին 385 220 /երեք հարյուր ութսունհինգ հազար երկու հարյուր քսան/ ՀՀ դրամ մուծելուց հետո:

4.Սույն որոշումն ուժի մեջ է մտնում ստորագրման օրվանից: