ՀՀ Ներքին գործերի նախարարությունը վերագործարկում է շրջիկ գրասենյակի ձևաչափով ծառայությունների մատուցումը՝ նոր, հարմարավետ և հատուկ կահավորված մեքենաների միջոցով և ընդլայնված ծառայությունների ցանկով։
Շրջիկ ձևաչափով մատուցվելու են անձնագրային ոլորտի և հաշվառման-քննական բաժինների տիրույթում մատուցվող մի շարք ծառայություններ։
Մարտի 13-ին, ժամը 10։30-13։30 ծառայություն կմատուցվի Կոտայքի մարզի Գառնի գյուղում,
Շրջիկ ծառայության մեքենան տեղակայվելու է Գառնի գյուղի՝ Շահումյան հրապարակում համայնքապետերի հարևանությամբ։
Դիմումներն ընդունելուց մեկ շաբաթ անց շրջիկ ծառայության մեքենաները կլինեն նույն վայրում՝ ընդունված դիմումների հիման վրա թողարկված փաստաթղթերը տրամադրման նպատակով։