Ղեկավարվելով «Արտակարգ իրավիճակներում բնակչության պաշտպանության մասին» օրենքի 16-րդ հոդվածի պահանջներով, հիմք ընդունելով Հայաստանի Հանրապետության Կոտայքի մարզպետի 2021 թվականի մարտի 31-ի N 92-Ա որոշումը, որոշում եմ
1.Հաստատել՝
1) Հայաստանի Հանրապետության Կոտայքի մարզի Գառնի համայնքի տարածքում հնարավոր ջրհեղեղների, հեղեղումների, սելավների, քարաթափումների և սողանքների կանխարգելման, հետևանքների նվազեցման ու վերացման միջոցառումների պլանը` համաձայն N 1 հավելվածի,
2) Տեղեկություններ համայնքի հակահեղեղային կառույցների հաշվառման վերաբերյալ՝համաձայն N 2 հավելվածի,
3) Առաջարկություններ` համայնքին սպառնացող պոտենցիալ վտանգավոր տեղամասերի և բնակչության անվտանգության ապահովման ուղղությամբ նախատեսվող միջոցառումների վերաբերյալ` համաձայն N 3 հավելվածի:
2.Մինչև 2021 թվականի մայիսի 01-ը Հայաստանի Հանրապետության արտակարգ իրավիճակների նախարարության փրկարար ծառայության Կոտայքի մարզային փրկարարական վարչություն ներկայացնել սույն որոշման 1-ին կետով հաստատված փաստաթղթերը:
3.Սույն որոշման կատարման հսկողությանը դնել համայնքի ղեկավարի տեղակալ Վարդան Մարտիրոսյանի վրա։
4. Սույն որոշումն ուժի մեջ է մտնում ստորագրման օրվանից: